प्रार्थना : देवाला प्रसन्न करण्याचा सोपा मार्ग !
Sunday, December 20, 2009
1 comments
देवाला शरण जाऊन इच्छित गोष्ट तळमळीने व याचना करून मागणे, याला `प्रार्थना' म्हणतात. प्रार्थना केल्यामुळे देवाचा आशीर्वाद, शक्ती व चैतन्य यांचा लाभ होतो. प्रार्थनेमुळे चिंता कमी होऊन देवावरील श्रद्धा वाढते व मन एकाग्र होते. प्रार्थनेमुळे वाईट शक्तींपासून रक्षणही होते.
प्रतिदिन करावयाच्या काही प्रार्थना
स्नानापूर्वी करावयाची प्रार्थना : `हे जलदेवते, तुझ्या पवित्र जलाने माझे शरीर शुद्ध होण्याबरोबरच
अंत:करण निर्मळ होऊ दे आणि तुझे चैतन्य मला ग्रहण करता येऊ दे.'
अभ्यासापूर्वी करावयाची प्रार्थना : `हे विघ्नहर्ता व बुद्धीदाता श्री गणेशा, माझ्या अभ्यासात येणारे
अडथळे दूर होऊ देत. माझा अभ्यास चांगला होण्यासाठी तू मला सुबुद्धी व शक्ती दे.'
अन्न ग्रहण करण्यापूर्वी करावयाची प्रार्थना : `हे अन्नपूर्णामाते, हे अन्न तुझ्या चरणी अर्पण करून
तुझा `प्रसाद' या भावाने माझ्याकडून ग्रहण केला जाऊ दे. या प्रसादातून मला शक्ती व चैतन्य मिळू दे.'
(अधिक माहितीसाठी सनातनच्या सत्संगांचा लाभ घ्या !)
